സ്റ്റഡി ലീവ് എങ്ങിനെ ആഘോഷിക്കണം എന്ന കൂലങ്കഷമായ ചര്ച്ചകള്ക്കൊടുവിലാണ് classmate ആയ ശ്രീമാന് അനില് കുമാര് അവന്റെ വീടിന്റെയടുത്തു ഉള്ള ആളൊഴിഞ്ഞ ഒരു രണ്ടുനില വീടിനെപറ്റി പറഞ്ഞത്..ഒരു വലിയ മലയുടെ അടി ഭാഗത്തായി 25 ഏക്കര് റബ്ബര് തോട്ടത്തിന്റെ നടുവിലായി ഉള്ള വീട് എന്ന് കേട്ടപ്പോള് തന്നെ ഞങ്ങള്ക്ക് ഹരമായി..വീടിന്റെ അടുത്തായി 3 -ഓളം ഷാപ്പുകള് ഉണ്ട് എന്ന അനിലിന്റെ വാക്കുകള് കേട്ടതും കിളവന്(അല്പം പ്രായക്കൂടുതല് ഉണ്ടെന്നെ ഉള്ളു..മറ്റു കുഴപ്പങ്ങള് ഒന്നുമില്ല) ആ വീട് ബുക്ക് ചെയ്യാന് അനിലിനെ ഏല്പിച്ചു..അങ്ങനെ ഒരു ആഴ്ചക്കുള്ളില് തന്നെ ഞങ്ങള് 20 ഓളം പേര് തൊടുപുഴയിലെ മനോഹരമായ ആ വീട്ടില് താമസം തുടങ്ങി....അനില് പറഞ്ഞത് ശരിയായിരുന്നു..വീടിനു മുകളിലായി 4 -5 ഏക്കര് കൈതച്ചക്ക തോട്ടവും പിന്നെ ബാക്കി റബ്ബര്,കാപ്പി,തെങ്ങ്...അങ്ങനെ ഒരു വന് സെറ്റപ്പ് ആണ് അവിടെ...പോരാത്തതിനു ഫുള് ടൈം കാറ്റും...
വന്നതിന്റെ പിറ്റേന്ന് തന്നെ കിളവനും കോശിയും കൂടെ അടുത്തുള്ള എല്ലാ ഷാപ്പിലും മിന്നല് സന്ദര്ശനം നടത്തി ഷാപ്പുകള്ക്ക് gradum നല്കി...A ,B & C ...A ഗ്രേഡ് ഷാപ്പില് ഒന്നുമില്ലെങ്കില് മാത്രമേ B യില് പോകാവു എന്ന വിലപ്പെട്ട ഉപദേശവും നല്കി..കുറച്ചു ദിവസം കൊണ്ടു തന്നെ ചീട്ടുകളി മടുത്തു...എല്ലാത്തിനും ഒരു പരിധി ഇല്ലേ..
ഒരു ദിവസം ടെറസിന്റെ മുകളില് ഞങ്ങള് ആറേഴുപേര്(ഞാന്,കിളവന്,കോശി,സ്വാമി ,പ്രിയന്,കുഞ്ഞുരാമന്,സുബ്ബു) മലര്ന്നു നക്ഷത്രം എണ്ണി കിടക്കുന്നു...അപ്പോളാണ് സ്വാമി മലയുടെ മുകിലായി ഒരു വലിയ പ്രകാശം സഞ്ചരിക്കുന്നതായി കണ്ടത്..മറ്റാരും കണ്ടതുമില്ല...സ്വാമി സംഭവം എല്ലാരോടും പറഞ്ഞു...പറഞ്ഞത് സ്വാമി അല്ലേ ...ഒരു കാര്യവും ഉണ്ടാവില്ല എന്ന് എല്ലാര്ക്കും അറിയാം..ആരും മൈന്ഡ് ചെയ്തില്ല..ഇടക്കൊക്കെ സ്വാമി സത്യം പറയും എന്ന കുഞ്ഞിരാമന്റെ dialog കേട്ടതോടെ സ്വാമി ഇത് പലതവണ കണ്ടിട്ടുണ്ട് എന്നൊക്കെ അങ്ങ് മെഴുകി..നമുക്ക് ഒരു ദിവസം മലയുടെ മുകളില് പോയാലോ എന്ന് ചോദിച്ചതും പോയേക്കാം എന്ന് സ്വാമി..അപ്പോള് തന്നെ ഒരു ദിവസവും ഫിക്സ് ചെയ്തു..
അനില് കുമാറിനോട് പറഞ്ഞപ്പോള് everest കഴിഞ്ഞാല് പിന്നെ കീഴടക്കാന് ഏറ്റവും പാട് ഈ മലയാണ് എന്ന ഉപദേശം കിട്ടിയതോടെ ഈ പരിപാടി തത്കാലം ഇനിയാരോടും പറയേണ്ടതില്ല എന്ന് തീരുമാനിച്ചു..
അങ്ങിനെ ആ സുദിനം വന്നെത്തി...എല്ലാവരും മല കീഴടക്കാന് തയ്യാറായി..എല്ലാവരുടെയും കയ്യില് നീളമുള്ള ഓരോ കമ്പും പിന്നെ ഓരോരുത്തരുടെ കയ്യിലായി വെട്ടുകത്തി,ക്യാമറ,വെള്ളം,തുടങ്ങിയവയും...കിളവന്റെ കയ്യില് രണ്ടു MH ഉം ഉണ്ട്..പോകുന്ന വഴിക്ക് നല്ല മുള്ളുള്ള ചെടികള് ശക്തമായ ഒരു പ്രതിരോധം തന്നെയായിരുന്നു..പ്രതിബന്ധങ്ങള് വെട്ടിമാറ്റിയും അടയാളങ്ങള് വച്ചും ആണ് യാത്ര...പെട്ടെന്ന് ചെന്നാല് അടിക്കാലോ എന്ന് കരുതിയാവണം കിളവന് ജമ്പ് ചെയ്താണ് പോകുന്നത്..ഇതിനിടെ ഒരു ചെറിയ മരക്കൊമ്പില് തൂങ്ങി ചാടാന് ശ്രമിക്കവേ സ്വാമി നിലം പറ്റി .കുറച്ചു ദൂരം കൂടി കഴിഞ്ഞിട്ടുണ്ടാവണം.. ഒന്നുരണ്ടു മുയല് brothers മുന്നില് കൂടി മാര്ച്ച് നടത്തിയത് കുഞ്ഞിരാമന് സുഖിച്ചില്ല..പോവേണ്ട എന്ന് പറഞ്ഞതാണ്...മുയലിറച്ചിയുടെ ടേസ്റ്റ് നിനക്കൊന്നും അറിയില്ല എന്ന് പറഞ്ഞു കമ്പുമായി അതിന്റെ പിറകെ ഓടി..ഞങ്ങള് നടപ്പ് തുടര്ന്നു...കുറെ കഴിഞ്ഞു കുഞ്ഞിരാമന് കൂളായി തിരിച്ചെത്തി....അവന്മാര് രക്ഷപ്പെട്ടു അത്രേ !..സൂക്ഷിച്ചു നോക്കിയപ്പോള് കാലിലെ കുറെ പെയിന്റ് പോയതായി കണ്ടു...ഓടിയപ്പോള് ഏതോ മരക്കുറ്റിയില് തട്ടി വീണതാണത്രേ...എല്ലാരും അതു ആഘോഷമാക്കി..
.ഏതാണ്ട് രണ്ടര മണിക്കൂര് ആയപ്പോലെക്കും ഞങ്ങള് മുകളില് എത്തി...നെല്ലിമരങ്ങളുടെ ഒരു കൂട്ടം ഒരു ഭാഗത്തായി കണ്ടു..ആരോ വലിഞ്ഞു കേറി...കുറെ പറിച്ചു...സാധാരണയിലും വലിപ്പം തീരെ കുറവായിരുന്നു എങ്കിലും അതിന്റെ രുചി അന്യായം തന്നെയാരുന്നു...നെല്ലിമരങ്ങളുടെ കുറെ അപ്പുറത്തായി ഒരു വലിയ പാറ കണ്ടു..ഇതിനിടെ സ്വാമി കണ്ടു എന്ന് പറഞ്ഞ വെട്ടം എവിടെ നിന്നായിരിക്കും എന്നുള്ള അന്വേഷണം എങ്ങും എത്താതെ നില്ക്കുവാണ്....
എല്ലാവരും പാറ ലക്ഷ്യമാക്കി നീങ്ങി .അത്യാവശ്യം വലിയ ഒരു പറയാന്....അതിന്റെ ഏറ്റവും മുകളിലായി ഒരു വലിയ കുരിശും ....ഇതെങ്ങനെ അവിടെവന്നു എന്നാലോചിച്ചു പതിയെ പാറകയറ്റം ആരംഭിച്ചു..അള്ളിപ്പിടിച്ചു ഒരു വിധത്തില് മുകളില് എത്തി..ഏതാണ്ട് 15 അടിയെങ്കിലും പൊക്കമുള്ള കുരിശിന്റെ ചുവട്ടില് നിന്നും കുറെ ക്ലിക്ക്സ്...അതുകഴിഞ്ഞ് ആരോ പാറയുടെ മറ്റേ അറ്റത്ത്പോയി നോക്കിയിട്ട് എല്ലാരേം അങ്ങോട്ട് വിളിച്ചു... സത്യത്തില് തല കറങ്ങിപ്പോകും....ഭീകരമായ ഒരു കൊക്കയാണ് കീഴ്ക്കാം തൂക്കായി....ശരിക്കും കണ്ടാല് ചുമ്മാ ഒന്ന് ചാടിയാലോ എന്ന് പ്രകോപിപ്പിക്കുന്ന ഒരു കാഴ്ച..ജീവനും കൊണ്ടു അവിടുന്ന് തിരിച്ചിറങ്ങാന് നോക്കിയപ്പോളല്ലേ പ്രശ്നം .....ആര്ക്കും ഇറങ്ങാന് പറ്റുന്നില്ല..കാരണം ഞങ്ങള് അള്ളിപ്പിടിച്ചു കയറിയതിന്റെ അങ്ങേ sidum ഇതേ കൊക്ക തന്നെയാണെന്ന് എല്ലാര്ക്കും മനസിലായി...കയറുമ്പോള് ഇതൊന്നും അറിയില്ലല്ലോ...ഇറങ്ങുമ്പോള് എങ്ങാനും കാലു സ്ലിപ്പായി അങ്ങോട്ടെങ്ങാനും പോകുമോ എന്നാണ് പേടി...അവസാനം രണ്ടും കല്പിച്ചു ഞാന് മുകളില് തന്നെ ഇരുന്നു...ആരേലും ഇറങ്ങട്ടെ എന്ന് വിചാരിച്ചു...ഹല്ലപിന്നെ...ഒടുവില് പ്രിയന് എങ്ങിനെയൊക്കെയോ നിരങ്ങി താഴെ എത്തി...എല്ലാരും പിന്നെ അവനെ നോക്കിയിരിപ്പാണ്...ആദ്യമായി കാണുന്നപോലെ.. അവസാനം അവന് ഒരു വലിയ കമ്പ് ഒടിച്ചു നീട്ടി..പിന്നെ അതിന്റെ ബലത്തില് എല്ലാരും താഴേക്കു...കോശി ഇതിനിടെ രണ്ടു തവണ കുരിശിന്റെ അടുത്തുപോയി കാര്യമായി എന്തോ പറയുന്നതും കണ്ടു..
താഴെ എത്തിയതും കിളവന് MH പൊട്ടിച്ചു 2 എണ്ണം വീശി... ഭഗവാനെ ഇനി ഇതൊന്നും അടിക്കാന് പറ്റില്ലേ എന്ന് വിചാരിച്ചു ടെന്ഷന് ആയി ഇരിക്കുവാരുന്നത്രേ മുകളില്..അല്പം കഴിഞ്ഞു കുപ്പി മല ദൈവങ്ങള്ക്ക് സമര്പ്പിച്ചു കുറെ ദൂരം നടന്നു..പ്രത്യേകിച്ച് ഒന്നും കാണാന് കഴിഞ്ഞില്ല...സ്വാമിയുടെ നിലപാടില് യാതൊരു മാറ്റവുമില്ല..അവിടെ അടുത്തായി ഒരു ചെറിയ പാറയുടെ നടുക്ക് നിന്നും ഉറവ..വെള്ളത്തിനാണേല് നല്ല തണുപ്പും.. അപ്പോളാണ് കിളവന് ഒരു കമ്പിന്റെ അറ്റത്ത് ഒരു തുണിയൊക്കെ കെട്ടി ആടിയാടി വന്നത്...പാറയുടെ മുകളില് കുത്തി നിര്ത്താന് ആണത്രേ!ഭയങ്കരം...ഒടുവില് അതു പാറയുടെ മുകളില് അല്പം മണ്ണുള്ള ഭാഗത്തി കുത്തി നിര്ത്തി...നമ്മുടെ നീലം അണ്ണന് പണ്ട് ചന്ദ്രനില് കുത്തിയപോലെ..
കുറെ നേരം കൂടി അവിടൊക്കെ ചുറ്റിത്തിരിഞ്ഞു ഞങ്ങള് ഇറങ്ങാന് തുടങ്ങി..ഇറക്കം നല്ല സ്പീഡില് ആണ്..
വരുന്ന വഴി കോശി കുഞ്ഞിരമാനോട് മുയല് പോയോ എന്ന് നോക്കാന് പറഞ്ഞു...അവന് അതു കേട്ടതായി പോലും നടിച്ചില്ല...അങ്ങനെ ഒരു ഒന്നേകാല് മണിക്കൂര് കൊണ്ടു താഴെ എത്തി...തിരിച്ചു റൂമില് എത്തിയിട്ടും സ്വാമീടെ സംശയം തീര്ന്നിരുന്നില്ല."".എന്നാലും ആ വെട്ടം കൊണ്ടു പോയത് ആരായിരിക്കും "" എന്ന്...മറുപടിയായി കിളവന് അകത്തു നിന്നും എന്തോ വിളിച്ചു പറഞ്ഞു....വ്യക്തമായി കേട്ടില്ലെങ്കിലും അതു അവന്റെ അപ്പന് തന്നെയാകും എന്ന കാര്യത്തില് ആര്ക്കും ഒരു സംശയവും ഇല്ലാരുന്നു......
Subscribe to:
Post Comments (Atom)
hahaha.. aliya kalakki....... MH te vdi vettam aarikkum swamikku........... hahaha
ReplyDelete....haha...chilappo aavum aliya....ororo sambhavangal....
ReplyDeletegood i like it.........ithil kooduthal kathayil cherkkan pattilla.........orikkal njan vellathil olichu poya karyam namukku onnu aghoshichalo?
ReplyDelete