... തിങ്കളാഴ്ച കൊള്ളി വന്നപ്പോള്‍ ഞെട്ടിയത് ഞങ്ങള്‍ ആയിരുന്നു.അവനു ഗ്യാഗിയുടെ ബുക്ക്‌ കിട്ടിയത്രേ..ലൈബ്രറിയില്‍ നിന്നും അവന്‍ അതു അടിച്ചു മാറ്റി വീട്ടില്‍ കൊണ്ടുവന്നു എന്ന് വരെ തികഞ്ഞ നിഷ്കളങ്കതയോടെ അവന്‍ പറഞ്ഞപ്പോള്‍ ഞങ്ങളുടെ കണ്ണ് നിറഞ്ഞുപോയി എന്ന് പറയേണ്ടതില്ലല്ലോ....ഇവന് ഹരിശ്ചന്ദ്രന്‍ എന്നായിരുന്നു പേരു ഇടെണ്ടിയിരുന്നത് എന്ന് ആശാന്‍ അഭിപ്രായപ്പെട്ടു.പുതിയ ചില നമ്പറുകള്‍ അവന്‍ പഠിച്ചെന്നും എല്ലാം ഡെവലപ്പ് ചെയ്യാന്‍ അവനെ ഹെല്പ് ചെയ്യണമെന്നും കൊള്ളി താഴ്മയായി അഭ്യര്‍ഥിച്ചു.
.കൊള്ളിക്കു പണി കൊടുക്കാനായി കോളേജില്‍ ഞങ്ങളുമായി വളരെ അടുപ്പമുള്ള ഒരു അധ്യാപകനെയാണ്(പുള്ളി കോളേജിലെ ഒരു സീനിയര്‍ ആയിരുന്നു) കണ്ടെത്തിയത്.ക്ലാസ്സ്‌ എടുക്കുമ്പോള്‍ രണ്ടു കയ്കളും കൊണ്ടു ഒരുപാട് ആങ്ങ്യം കാട്ടുന്ന ഒരു സ്വഭാവം ഉള്ളതിനാല്‍ പുള്ളി കാണിക്കുന്നത് എല്ലാം ഗ്യാഗിയുടെ ഓരോ നമ്പര്‍ ആണെന്നും പുള്ളി ഗ്യാഗിയുടെ ഉസ്താദ് ആണെന്നും ഞങ്ങള്‍ കൊള്ളിയെ വിശ്വസിപ്പിച്ചു.കോളേജില്‍ എത്തിയ കൊള്ളി കണ്ടത് എല്ലായിടത്തും ഗ്യാഗി നിറഞ്ഞു കളിക്കുന്നതാണ്.പൊതുവേ എല്ലാവരും സംസാരം കുറച്ചു ഗ്യാഗി വഴി communication നടത്താന്‍ തുടങ്ങി.കൊള്ളിക്കു ആകെ ഹാലിളകി.ഇതെല്ലം തനിക്കറിയാം എന്ന ഭാവത്തില്‍ എല്ലാവരുടെയും അടുത്ത് ചെന്ന് ഒരു വൃത്തികെട്ട ചിരിയും ചിരിച്ചു കയ്കള്‍ കൊണ്ടു എന്തെങ്കിലും കാട്ടി അടുത്ത ഗ്യാഗി ടീമിന്റെ അടുത്ത് പോകും.പലരും പല രീതിയില്‍ കാണിക്കാന്‍ തുടങ്ങിയതോടെ കൊള്ളിക്കു ആകെ വട്ടായി.പലപ്പോഴും ഒറ്റക്കിരുന്നു കയ്ക്രിയകള്‍ കാട്ടി തല കുലുക്കലും ചിരിയും പതിവായി.മുന്‍പ് പറഞ്ഞ അധ്യാപകനാണെങ്കില്‍ കൊള്ളി ഇരിക്കുന്ന ഭാഗത്തേക്ക്‌ പോലും പോവില്ല.ആകെ വട്ടാക്കും എന്ന് മാത്രമല്ല കൊള്ളിയുടെ അറിവും പുള്ളി നിന്നു കേള്‍ക്കേണ്ടിവരും എന്ന് പുള്ളിക്കറിയാം.ഈ അധ്യാപകന് ക്ലാസ്സിലെ ഒരു പെണ്‍കുട്ടിയോട് ഒരു പ്രത്യേക താത്പര്യം ഉള്ളത് ഞങ്ങള്‍ക്ക് കുറച്ചു പേര്‍ക്കറിയാം...അതു പറഞ്ഞു ഇടയ്ക്കു അദ്ദേഹത്തെ ഞങ്ങള്‍ ക്ലാസ്സില്‍ വച്ചു രഹസ്യമായി കളിയാക്കാറുണ്ട്.അതു പുള്ളി ബാക്കിലേക്ക്‌ വരുമ്പോള്‍ മാത്രം..പക്ഷെ ഇതെല്ലം ഗ്യാഗിയുടെ കാര്യങ്ങള്‍ ചര്‍ച്ച ചെയ്യാനാണെന്നും അദ്ദേഹം കയ് കോര്‍ത്ത്‌ പിടിക്കുന്നത്‌ ചീപ്പുണ്ടോ എന്ന് ചോദിക്കാന്‍ വേണ്ടിയാണ് എന്നും കൊള്ളിയെ വിശ്വസിപ്പിച്ചു.
അതോടുകൂടി കൊള്ളി ഹാപ്പി ആയി.മുന്‍ ബെഞ്ചില്‍ ഇരിക്കുന്ന കൊള്ളിക്കു സാറിനെ കയ്യിലെടുക്കാന്‍ കിട്ടിയ അവസരം . കൊള്ളി പിന്നെ സാറിന്റെ പിന്നാലെ ആയി.ക്ലാസ്സില്‍ സാര്‍ എന്തു കാട്ടിയാലും കൊള്ളി അദ്ദേഹത്തെ നോക്കി ചിരി തുടങ്ങി.കുറെ തവണ ഇത് തുടര്‍ന്നപ്പോള്‍ സാര്‍ പിന്നില്‍ വന്നു "അവനെന്താടെ തലയ്ക്കു വല്ല അസുഖവുമുണ്ടോ"എന്ന് ഞങ്ങളോട് ചോദിച്ചു. കിട്ടിയ അവസരമല്ലേ... "".കൊച്ചു പയ്യനല്ലേ സര്‍..പ്രായത്തിന്റെയാണ്..ഒന്ന് വിരട്ടി വിട്ടെക്കാന്‍ "" പറഞ്ഞു.പക്ഷെ സര്‍ ഒന്നും ചെയ്തില്ല.ഞങ്ങള്‍ നിരാശരായി.പക്ഷെ കൊള്ളി വാങ്ങിയാലല്ലേ അടങ്ങു...അടുത്ത ദിവസം ക്ലാസ്സില്‍ എന്തോ പറഞ്ഞു സാര്‍ കയ്കള്‍ കോര്‍ത്ത്‌ പിടിച്ചു ബാക്കിലേക്ക്‌ നടക്കാന്‍ തുടങ്ങിയതും കൊള്ളി ചാടി എഴുന്നേറ്റു..എന്താണ് കൊള്ളി പറഞ്ഞത് എന്ന് ഞങ്ങള്‍ക്ക് മനസിലായില്ല.അവസാനം കൊള്ളി മിന്നല്‍ പോലെ പുറത്തേക്കും സാര്‍ ദേഷ്യം കൊണ്ടു ബോര്‍ഡിന്റെ അടുത്തേക്കും പോയി.എന്താണ് സംഭവം എന്ന് ആര്‍ക്കും മനസിലായില്ല.ക്ലാസ്സ്‌ കഴിഞ്ഞപ്പോള്‍ മൃദുലന്‍ നമ്മുടെ സാറിനെ പോയിക്കണ്ട് എന്താണ് കാര്യം എന്ന് ചോദിച്ചു.അപ്പോഴും പുള്ളിയുടെ ദേഷ്യം ശരിക്കും മാറിയിരുന്നില്ല.അവസാനം പുള്ളി പറഞ്ഞു. കൊള്ളി പറഞ്ഞത് ഇതാണ്.""""സാര്‍ മറ്റേതിന്റെ ഉസ്താദ് ആണെന്ന് എനിക്കറിയാം.എനിക്ക് നേരത്തെ സംശയം ഉണ്ടായിരുന്നു.ഇപ്പോള്‍ ഞാനും try ചെയ്യുന്നുണ്ട്.വലിയ ബുദ്ധിമുട്ട് ഒന്നുമില്ല...എന്തായാലും ചീപ്പിന് വേണ്ടിയാണ് എങ്കില്‍ എന്റെ കയ്യിലുണ്ട്.പുറകിലേക്ക് പോണമെന്നില്ല..""""""" ഇവിടെ കൊള്ളി ഉദ്ദേശിച്ചത് ഗ്യാഗിയെ പറ്റിയാണ്. സാര്‍ മനസിലാക്കിയത് കൊള്ളി ആ പെണ്‍കുട്ടിയെ പറ്റിയാണ് പറഞ്ഞത് എന്നാണ്.പോരേ പൂരം....കൊള്ളി ഔട്ട്‌....
വയ്കിട്ടു റൂമിലെത്തിയപ്പോള്‍ കൊള്ളി ആകെ അക്ഷോഭ്യനായിരുന്നു...കൊള്ളിക്കു അപ്പോഴും കാര്യം മനസിലായില്ലായിരുന്നു..""അയാള്‍ വല്യ ഉസ്താദ് ആണെങ്കില്‍ ഞാന്‍ അതിലും വലിയ ഉസ്താദ് ആണ് എന്നൊക്കെ പറഞ്ഞു കൊള്ളി അരിശം കൊള്ളുന്നുണ്ട്.ഞങ്ങള്‍ ഒന്നും പറയാന്‍ പോയില്ല.ഇവിടം കൊണ്ടു നിര്‍ത്തിയില്ലെങ്കില്‍ അടുത്ത പണി ചിലപ്പോള്‍ boomerang ആകും എന്ന് തോന്നി.അധികം ഒന്നുമില്ല ഒരു ആഴ്ച മാത്രമേ കൊള്ളി പുറത്തു നിന്നുള്ളൂ.പിന്നെ സാറിന്റെ കാലു പിടിച്ചു അകത്തു കയറി.സത്യം ഒരുപാടുനാള്‍ മൂടിവെക്കാന്‍ പറ്റില്ലല്ലോ...കുറെ കഴിഞ്ഞു എല്ലാരും സത്യം മനസിലാക്കി.ചെറിയ ചില പ്രശംസാ വചനങ്ങള്‍ ഒഴിച്ചാല്‍ ബാക്കി എല്ലാം ശുഭം........
Subscribe to:
Post Comments (Atom)
No comments:
Post a Comment