....ഒരു ഇന്റെര്‍പോളി മത്സരത്തിനു പോയ കഥ.....

പല തരത്തിലുള്ള വിദ്യകള്‍ പഠിക്കുകയും പഠിപ്പിക്കുകയും ചെയ്യുന്ന പോളി ടെക്നിക് എന്ന സ്ഥാപനത്തില്‍ ഫൈനല്‍ ഇയര്‍ ആയി വിലസുന്ന സമയം..പതിവുപോലെ അക്കൊല്ലവും interpoly വന്നെത്തി.കഴിഞ്ഞ yearil ക്രിക്കെറ്റ് കളിയ്ക്കാന്‍ പോയിട്ട് കപ്പ്‌ ഉയര്‍ത്തിപ്പിടിച്ചു വന്നതിനാല്‍ ദയവായി ഈ കൊല്ലം selection നു വരരുത് എന്ന് ഞങ്ങളില്‍ പലരോടും പി .ഡി വെട്ടിത്തുറന്നു പറഞ്ഞു.കഴിവുള്ള പുതിയ പിള്ളേര്‍ കാണും അത്രേ! ക്ലാസ്സില്‍ കയറാതെ പ്രാക്ടീസ് എന്ന പേരില്‍ കറങ്ങി നടക്കാനും ഒപ്പം attendance ഉം കിട്ടുന്ന പരിപാടിയും ആയതുകൊണ്ട് എങ്ങിനേം പോയെ പറ്റു.അതിനുള്ള വഴികള്‍ ആലോചിച്ചപ്പോള്‍ ആണ് classmate അരുണ്‍ ball badminton എന്ന കളിയെ പറ്റി പറഞ്ഞത്.വീടിന്റെ അടുത്തുള്ള കോളേജില്‍ മിക്കവാറും കളിക്കാറുണ്ട് എന്ന് പറഞ്ഞപ്പോള്‍ ഐഡിയ കൊള്ളാം എന്ന് തോന്നി.ഞങ്ങളാരും കേട്ടിട്ടുണ്ട് എന്നുള്ളതല്ലാതെ ഈ കളി കണ്ടിട്ടുപോലുമില്ല.അരുണിന് അറിയാലോ അതുമതി എന്ന് തീരുമാനിച്ചു ഞങ്ങള്‍ 7 പേര്‍ P .D കണ്ടു.കളിയെ പറ്റി വല്യ ഗ്രാഹ്യം ഒന്നുമില്ലെങ്കിലും അതിന്റെ പേരില്‍ എന്തേലും മുക്കാലോ എന്ന് കരുതിയാവണം പുള്ളി സമ്മതിച്ചു.പക്ഷെ selection നടത്തണം അത്രേ.ഞങ്ങള്‍ ഒരുമിച്ചു ഞെട്ടി.selection നടത്തിയാല്‍ കളിയ്ക്കാന്‍ അറിയാവുന്ന പിള്ളേര്‍ വേറെ കാണും.അവന്മാര്‍ പോവുകേം ചെയ്യും.ഞങ്ങള്‍ അരുണിനെ നോക്കി.medimix ,chandrika എന്നിവ കഴിഞ്ഞാല്‍ പിന്നെ ഞാന്‍ കണ്ടിട്ടുള്ള പതക്കാന്‍ കഴിവുള്ള ഒരു സാധനം അരുണ്‍ തന്നെ.അങ്ങനെ selection നടത്താന്‍ ഉള്ള അനുവാദം P D അരുണിനെ ഏല്‍പ്പിച്ചു.പിന്നെ പറയേണ്ടല്ലോ.നോട്ടീസ് ബോര്‍ഡില്‍ ഇട്ട selection നോട്ടീസ് ഇട്ടതും കീറിയതും ഒരുമിച്ചു ആരുന്നു.എന്നിട്ട് പറഞ്ഞ ഡേറ്റ് നു ഞങ്ങടെ കുറെ സുഹൃത്തുക്കളുമായി selection നടത്തപ്പെട്ടു.അങ്ങനെ ഞങ്ങള്‍ 7 പേര്‍ ball badminton ടീമിലെ ഔദ്യോഗിക കളിക്കാരായി(ഒരു ടീമില്‍ 5 പേര്‍ മതി) .അരുണ്‍ ക്യാപ്റ്റന്‍ ആയി സ്വയം അവരോധിച്ചു.

അങ്ങനെ പ്രാക്ടീസ് ആരംഭിച്ചു.കേരളത്തിലെ ഏറ്റവും പേരുകേട്ട പോളി ആയതിനാല്‍ ഗ്രൌണ്ട് ഒന്നും ഇല്ല.കോളേജ് കോമ്പൌണ്ട് നു ഉള്ളില്‍ തന്നെയാണ് പ്രാക്ടീസ്.എന്നും രാവിലെ വരുക....നെറ്റ് കെട്ടുക...എല്ലാരും ക്ലാസ്സിലേക്ക് പോകുമ്പോള്‍ ഞങ്ങള്‍ കോര്‍ട്ടിലേക്ക് പോകും..എല്ലാര്ക്കും പെരുത്ത്‌ സന്തോഷം.ഇന്റര്‍വെല്‍ സമയത്ത് ഒക്കെ ചില ജൂനിയര്‍ പെണ്‍കുട്ടികള്‍ ഇവന്മാര്‍ എന്താ ഈ കാണിക്കുന്നത് എന്ന് കരുതി പ്രാക്ടീസ് നോക്കി നില്‍ക്കാറുണ്ട് .അപ്പോളൊക്കെ അരുണ്‍ സര്‍വ കഴിവും പുറത്തെടുക്കും..എന്നിട്ട് പാവം ഞങ്ങടെ നേരെ കനത്ത ഷോട്ടുകള്‍ പായിക്കും...ഓടാന്‍ പറ്റില്ലല്ലോ.കലിപ്പിനു നമ്മളും എങ്ങോട്ടെങ്കിലും അടിക്കും..ഈ ബാറ്റും ബോളും കണ്ടിട്ട് രണ്ടു ദിവസമേ ആയുള്ളൂ എങ്കിലും ബാറ്റിന്റെ സ്ട്രിംഗ് ചെക്ക് ചെയ്യുക,അതിന്റെ elongation ,strength ,ബോളിന്റെ നിലവാരം എന്നിവ ഉറപ്പു വരുത്തുക ഒക്കെ ഈ സമയത്താണ് നടക്കുക.ഇന്റര്‍വെല്‍ കഴിയുന്നതോടു കൂടി ഈ ചെക്കിംഗ് ഒക്കെ തീരും.അടുത്തത് പിന്നെ ഉച്ചക്കെ ഉള്ളു.ഇതിനിടെ ആരോ പ്രിന്‍സിക്ക് പരാതി കൊടുത്തു.ball badminton ടീമില്‍ എല്ലാം final years ആണെന്നും ഒരേ പാര്‍ട്ടിക്കാര്‍ ആണെന്നും ഒക്കെ.പക്ഷെ ഞങ്ങള്‍ പ്രിന്‍സിയെ കണ്ടു കപ്പ്‌ നേടിയേ തിരിച്ചു വരൂ എന്ന ഉറപ്പും കൊടുത്തു തലയൂരി.ഏതാണ്ട് 10 -15 ദിവസം കൊണ്ടു കളിയുടെ കുറെ നിയമങ്ങള്‍ എന്തായാലും എല്ലാരും പഠിച്ചു.

അങ്ങനെ ഞങ്ങള്‍ കളി തുടങ്ങുന്നതിന്റെ തലേന്നു തന്നെ interpoly മത്സരം നടക്കുന്ന തൃശ്ശൂരിലെ ഗ്രൗണ്ടില്‍ എത്തി.ഗ്രൌണ്ടിനു അടുത്തായി ഒരു lodgil റൂം എടുത്തു വ്യ്കിട്ടോടെ ഗ്രൗണ്ടില്‍ പ്രാക്ടീസ് ചെയ്യാന്‍ എത്തി.വിവിധ പോളികളില്‍ നിന്നുള്ള മച്ചാന്മാര്‍ അവിടെ വന്‍ പ്രാക്ടീസ് നടത്തുന്നുണ്ട്.അവരുടെയൊക്കെ മുന്നിലൂടെ ജീവന്‍ വേണേല്‍ പിന്മാറിക്കോ എന്ന രീതിയില്‍ ഞങ്ങള്‍ വിരിഞ്ഞു നടന്നു.അവസാനം ഗ്രൌണ്ടിന്റെ ഒരു മൂലയില്‍ ഗാലറിയുടെ അടുത്തായി പ്രാക്ടീസ് തുടങ്ങി.ഗാലറിയില്‍ ഒരു 10 -12 പേര്‍ ഇരിപ്പുണ്ട്.അവരെ ഞെട്ടിച്ചു കളയാം എന്ന് കരുതി വന്‍ പ്രാക്ടീസ് തുടങ്ങി.പ്രവീണ്‍ ആണേല്‍ ഒരു കറുത്ത തൊപ്പി ,പിന്നെ കറുത്ത ഒരു ഗ്ലാസ്‌ കൂടാതെ ഏതോ ഒരു ഫുട്ബാള്‍ ക്ലബ്ബിന്റെ jersey ഒക്കെയായി ഒരു വല്ലാത്ത ലുക്കില്‍ ആണ്.ഇടയ്ക്കിടെ പുച്ഛത്തോടെ ഗാലറിയില്‍ ഇരിക്കുന്നവരെ നോക്കുന്നുമുണ്ട്.സഹിക്കുന്നതിനു ഒരു പരിധി ഒക്കെ ഇല്ലേ.അവര്‍ അവനെ അങ്ങോട്ട്‌ വിളിച്ചു.കളിയ്ക്കാന്‍ വന്ന ഏതോ പിള്ളേര്‍ ആരിക്കും എന്ന് കരുതി പ്രവീണ്‍ "ഇങ്ങോട്ട് വാടെ" എന്ന് പറഞ്ഞു.വരാനുള്ളത് വഴീല്‍ തങ്ങില്ലല്ലോ...അവര്‍ ഇങ്ങോട്ട് വന്നു.ശരിക്കും അവര്‍ അവിടെ ലോക്കല്‍ പോളിയിലെ അലമ്പ് ടീംസ് ആരുന്നു എന്ന് പിന്നീടാണ്‌ മനസിലായത്.സാംസ്‌കാരിക തലസ്ഥാനത് നിന്നും ഇത്രേം നല്ല ഭാഷ പ്രയോഗം ആരും പ്രതീക്ഷിച്ചില്ല.ഭാഗ്യം.അടി കിട്ടിയില്ല.പ്രവീണിന്റെ തൊപ്പീം ഗ്ലാസും അവര്‍ ഏറ്റെടുത്തു. നല്ല ഒന്നാംതരം അടി സ്വന്തം പോളിയില്‍ കിട്ടുമല്ലോ,അതിനായി തൃശൂര്‍ വരെ വരേണ്ട കാര്യമില്ലല്ലോ എന്ന ഒറ്റ കാരണം കൊണ്ടു മാത്രം ആരും ഒന്നും മിണ്ടീല...രാത്രി രാഗം theatril പോയി jackey chante RUSH HOUR കണ്ടു .അതു കഴിഞ്ഞപ്പോളാണ് അവന്മാരെ വെറുതെ വിട്ടത് ശരിയായില്ല എന്ന് എല്ലാര്ക്കും തോന്നിയത്.അന്നേരം തോന്നാഞ്ഞതു ഭാഗ്യം..

അങ്ങനെ പിറ്റേന്ന് മത്സരങ്ങള്‍ തുടങ്ങി.ഞങ്ങടെ നാലാമത്തെ മാച്ച് ആണ്.ആദ്യകളികള്‍ കണ്ടപ്പോളേ നിന്നിട്ട് കാര്യമില്ല എന്ന് മനസിലായി.എത്ര അടികള്‍ ഏറ്റുവാങ്ങേണ്ടി വരും എന്ന് മാത്രമേ എല്ലാര്ക്കും സംശയം ഉണ്ടായിരുന്നുള്ളൂ.അങ്ങനെ ഞങ്ങളുടെ മാച്ച് എത്തി.ഞങ്ങള്‍ റെഡി ആയി കോര്‍ട്ടില്‍ എത്തി.കുറെ നേരമായിട്ടും എതിര്‍ ടീം വന്നില്ല.കിട്ടിയ അവസരം അല്ലേ.പ്രവീണ്‍ ചൂടാവാന്‍ തുടങ്ങി.അങ്ങനെ മൂന്നു തവണ അന്നൌന്‍സ് ചെയ്തു..ആരും എത്തീല.അങ്ങനെ ഞങ്ങള്‍ക്ക് വാക്കോവര്‍ കിട്ടി.ഉച്ചക്കത്തെ രണ്ടാമത്തെ കളി കഷ്ടിച്ച് ജയിച്ചു.ഞങളെ പോലെ തന്നെ ഉടായിപ്പുമായിട്ടു എത്തിയതാണ് അവരും .പലര്‍ക്കും ബാറ്റുപിടിക്കാന്‍ പോലും ശരിക്കറിയില്ല .എന്നിട്ടും tight കളിയാരുന്നു.അങ്ങനെ ഞങ്ങള്‍ ക്വാര്‍ട്ടറില്‍!!! പി ഡി വരെ ഞെട്ടി.പിറ്റേന്ന് രാവിലെ കോഴിക്കോടുമായി ആണെന്ന് തോന്നണു.വാശിയേറിയ സെമി തുടങ്ങി.അവര്‍ നന്നായി കളിക്കുന്നവരാണ് എന്ന് പെട്ടെന്ന് തന്നെ മനസിലായി.മാക്സിമം പിടിച്ചു നിക്കുക എന്നതാരുന്നു ഞങ്ങടെ തന്ത്രം.പക്ഷെ ഇടയ്ക്കു ഒരു ഔട്ടിനെ ചൊല്ലി അവര്‍ റഫറീ യുമായി തര്‍ക്കം ആയി.തര്‍ക്കം മൂത്തപ്പോള്‍ എതിര്‍ ടീമിലെ ഒരുത്തന്‍ ബോള്‍ എടുത്തു എങ്ങോട്ടോ വലിച്ചു അടിച്ചു.അതു ഒരു officialinte ദേഹത്ത് കൊണ്ടു .വീണ്ടും ഭാഗ്യം.കോഴിക്കോടിനെ അയോഗ്യരാക്കി...അവിടേം ഞങ്ങള്‍ക്ക് ജയം.അങ്ങനെ സെമിയില്‍ എത്തി.രണ്ടു കളി കൂടി ജയിച്ചാല്‍ കപ്പ്‌..ഉച്ചക്കാണ് സെമി.

അങ്ങനെ ഉച്ചക്ക് സെമി തുടങ്ങി.ആദ്യമായി എല്ലാര്ക്കും ഒരു ടെന്‍ഷന്‍.പക്ഷെ കളി തുടങ്ങിയതോടെ എല്ലാരുടെം ടെന്‍ഷന്‍ മാറി.നിലത്തു നിര്‍ത്തീട്ട് വേണ്ടേ ടെന്‍ഷന്‍ അടിക്കാന്‍.തിരൂര്‍ പോളി ആണ് എന്നാണ് എന്റെ ഓര്‍മ്മ..ആരിക്കും..അവര്‍ക്കെ ഇങ്ങനെ ഒക്കെ ചെയ്യാന്‍ പറ്റു.അരുണും പ്രവീണും മുന്നില്‍ നിന്നും ശരിക്കും മേടിക്കുന്നുണ്ട്‌.ഇടക്കൊക്കെ ഞങ്ങള്‍ക്കും ചിലത് കിട്ടുന്നുണ്ട്‌.മുന്നില്‍ നിന്നു കളിച്ചാലേ ശരിയാവൂ എന്ന് പറഞ്ഞ പ്രവീണ്‍ ഇടയ്ക്കു എന്നോട് ""അളിയാ കുറച്ചു നേരം നീ മുന്നില്‍ നില്‍ക്ക്...centre ഇല്‍ പോയിന്റ്‌ പോകുന്നുണ്ട്...ഞാന്‍ നോക്കാം എന്ന്"" എന്നോട്! കുഴപ്പമില്ല അളിയാ ഞാന്‍ മാനേജ് ചെയ്തോളാം എന്ന് പറഞ്ഞു ഞാന്‍ വലിഞ്ഞു.അരുണ്‍ എന്തായാലും മുഴുവനും വാങ്ങീട്ടു തന്നെ കാര്യം എന്ന രീതിയില്‍ നില്‍പ്പുണ്ട്.ഇടയ്ക്കു ഒരു ഷോട്ട് എടുത്തു നിവര്‍ന്നു വന്നതും എന്തോ വന്നു എന്റെ വലതു കണ്ണിനു താഴെയായി കൊണ്ടു.ഞാന്‍ കൊടുത്ത ബോള്‍ ഇത്ര പെട്ടെന്ന് തിരിച്ചു വരും എന്ന് സ്വപ്നത്തില്‍ പോലും വിചാരിച്ചില്ല.നട്ടുച്ച ആയിട്ട് പോലും 10 -12 നക്ഷത്രങ്ങള്‍ ഞാന്‍ എണ്ണി..."പന്തടിക്കാന്‍ തൃശൂര്‍ വരെ പോണോഡാ മോനെ" എന്ന് അമ്മൂമ്മ പറഞ്ഞതാണ്.ആരു കേക്കാന്‍..വരാനുള്ളത് വഴീല്‍ തങ്ങില്ലല്ലോ!!അരമണിക്കൂര്‍ കൂടി കഴിഞ്ഞപ്പോള്‍ അവര്‍ ജയിച്ചു.ഞങ്ങടെ ഭാഗ്യം..വല്ല വഴിക്കും പോണ അടി ഓട്ടോ വിളിച്ചു മേടിക്കുന്ന പ്രവീണിന് തൃശൂര്‍ വരെ വന്നിട്ട് ഒന്നും കിട്ടീലല്ലോ എന്ന വിഷമവും മാറിക്കിട്ടി.പഞ്ഞി പോലെയുള്ള ബോള്‍ അല്ലേട..ഇതുകൊണ്ട് അടി കിട്ടിയാല്‍ വല്യ വേദന എടുക്കില്ല എന്ന തന്റെ മുന്‍ പ്രസ്താവന അരുണും പിന്‍വലിച്ചു.അവന്‍ അതിനു നിര്‍ബന്ധിതന്‍ ആയി എന്ന് വേണം പറയാന്‍...അനുഭവം ഗുഗ്ഗുരു ആണെന്ന് അന്ന് മനസിലായി

പി ഡി അന്ന് തന്നെ സ്ഥലം വിട്ടു.ഞങ്ങള്‍ അന്നവിടെ സ്റ്റേ ചെയ്തു.പിറ്റേന്ന് നേരെ വീട്ടില്‍ പോയി.അടുത്ത ദിവസം കോളേജില്‍ പോയി..എല്ലാരും ഒന്നിച്ചു തന്നെയാണ് പോയത്.....പി. ഡി എല്ലാം വിസ്തരിച്ചിട്ടുണ്ട്‌ എന്ന് ബസില്‍ നിന്നും ഇറങ്ങിയപ്പോള്‍ തന്നെ മനസിലായി..എതിര്‍ പാര്‍ട്ടിക്കാര്‍ സംഭവം ആഘോഷമാക്കിയിട്ടുണ്ട് .
Interpoly ball badminton ചാമ്പ്യന്‍ മാര്‍ക്ക് സ്വാഗതം എന്ന പോസ്റ്ററുകള്‍ രണ്ടു മതിലിലും കാര്യമായി ഒട്ടിച്ചിട്ടുണ്ട്.ക്രിക്കറ്റ്‌ ഉള്‍പ്പടെ തോറ്റ മറ്റു കളികളെ പറ്റിയൊന്നും പരാമര്‍ശം ഇല്ല.കൂടാതെ 6 -7പേര്‍ കപ്പ്‌ ഉയര്‍ത്തിപ്പിടിച്ചിരിക്കുന്ന
കാര്‍ടൂണ്സും.. ..അത്യാവശ്യം തൊലിക്കട്ടി ആ കോളേജ് 3 വര്‍ഷം കൊണ്ടു നേടിതന്നതിനാല്‍ ഞങ്ങള്‍ നെഞ്ച് വിരിച്ചുതന്നെ നടന്നു കയറി....ഇനിയുമൊരു ഇന്റെര്‍പോളിക്ക് ബാല്യമില്ലല്ലോ എന്നോര്‍ത്തുകൊണ്ട്...........