....മൃദുലനും ആശാനും കൊള്ളിയും പിന്നെ ഗ്യാഗിയും........

..ഡിപ്ലോമ കഴിഞ്ഞു പ്രത്യേകിച്ച് പണിയൊന്നുമില്ലാതെ നാട്ടില്‍ നിന്നപ്പോളാണ് സംഗതി ഭയങ്കര ബോറാണെന്ന് മനസിലായത്.എന്താണ് പരിപാടി എന്ന്
ചോദിക്കുന്നവരോട് "ഓ അങ്ങനൊന്നുമില്ല" എന്ന് പറഞ്ഞു മടുത്തു.അപ്പോളാണ് പോളിയിലെ ഒരു സീനിയര്‍ ചങ്ങാതിയെ കണ്ടത്.പുള്ളിക്കാരന്‍ വഴിയാണ് ഡിപ്ലോമ കഴിഞ്ഞവര്‍ക്ക് എഞ്ചിനീയറിംഗ് ബിരുദമെടുക്കാന്‍ AMIE എന്നൊരു കോഴ്സ് ഉണ്ട് എന്നറിഞ്ഞത്.സംഗതി ഒരു 11 വര്ഷം മുന്‍പ് ആണ്.LATERAL ENTRY എന്ന പരിപാടിയൊന്നും തുടങ്ങിയിട്ടില്ല.ഉണ്ടായിട്ടും വല്യ കാര്യമൊന്നുമില്ല എന്നതും സത്യം.എന്നാല്‍ പിന്നെ ഒരു കയ്‌ നോക്കിക്കളയാം എന്നുകരുതി മധ്യ കേരളത്തിലെ ഒരു കോളേജില്‍ AMIE പഠിക്കാന്‍ ചേര്‍ന്നു.80% വും ഡിപ്ലോമ കഴിഞ്ഞവരും ബാക്കി PDC കഴിഞ്ഞവരും ആയതിനാല്‍ ആകെ ഒരു തറ മയം.മൃദുലന് ഇതില്‍ പരം വേറെ വല്ലതും വേണോ..കേരളത്തിലെ ഏതാണ്ട് എല്ലാ POLYTECHNIC കളില്‍ നിന്നും ഉള്ള ടീംസ് ഉള്ളതിനാല്‍ വിവിധ തരത്തിലുള്ള അലമ്പുകള്‍ സുലഭം..250 -ഓളം പേരാണ് എന്റെ YEAR -ല്‍ ചേര്‍ന്നതു.ഹോസ്റല്‍ ജീവിതവും പരമസുഖം. PDC ടീംസ് ഉണ്ടെങ്കില്‍ പിന്നെപറയുകയും വേണ്ട.അവരുടെ തലയിലാണ് എല്ലാവരുടെയും താളമടി .ഭാഗ്യത്തിന് ഞാന്‍ താമസിക്കുന്ന HOSTAL -ലില്‍ 3 പേര്‍ PDC ആയിരുന്നു. ആകെ ഒരു 20 പേര്‍ ഉണ്ടാവും.ആറ് പേര്‍ SENIORS ആണ്.റാഗിങ്ങ് പരിപാടിയൊന്നും ഇല്ലാത്തതിനാല്‍ എല്ലാവരും നല്ല കമ്പനി.ആശാന്‍ എന്ന് വിളിക്കുന്ന ആളാണ് സീനിയര്‍ ടീമിന്റെ മുഖ്യ ആകര്‍ഷണം.പോളിയില്‍ മൃദുലന്റെ സീനിയര്‍ ആയിരുന്നു ആശാന്‍.PDC ക്കാര്‍ കൊള്ളി സനോജും,സാലിയും,ശ്രീയുമാണ്.
...ഗ്യാഗി എന്ന പേര്‍ കേട്ട് കണ്‍ഫ്യൂഷന്‍ ആകേണ്ട..മൃദുലനും ആശാനും ചേര്‍ന്ന് രൂപം നല്‍കിയ ഒരു ആംഗ്യ ഭാഷ ആണ് ഗ്യാഗി....ബലിയാടായത് പാവം കൊള്ളി സനോജും.. എങ്ങനെ ഈ ഭാഷ കണ്ടു പിടിച്ചു എന്ന് ചോദിക്കരുത് ...അതു സംഭവിച്ചു പോയതാണ്.....സംഭവങ്ങളുടെ തുടക്കം ഇങ്ങനെ....

ഒരു ഞായറാഴ്ച ....തലേന്നു രാത്രി രണ്ടുമണി വരെ ഉറക്കമിളച്ചിരുന്നു ചീട്ടു കളിച്ചതിന്റെ ക്ഷീണം കാരണം മൃദുലന്‍ രാവിലെ ഉണര്‍ന്നപ്പോള്‍ പത്തുമണി..സദു അണ്ണന്റെ പുട്ട് ഇനി പൊടിക്കണം എങ്കില്‍ റോളര്‍ കയറ്റി ഇറക്കണമല്ലോ എന്നോര്‍ത്തു വ്യാകുല ചിത്തനായി കിണറ്റിന്‍ കരയിലേക്ക് നടന്നു.ഇനി ഒരു മണിക്കൂര്‍ പല്ലുതേപ്പു ആണ്...പല്ല് വെളുപ്പിക്കാനൊന്നും അല്ല..പള്ളിയിലും,അമ്പലത്തിലും പോയി വരുന്ന കുട്ടികളെ കണ്ടു അങ്ങനെ നില്‍ക്കും..സമയം പോണത് അറിയില്ല ....കിണറിന്റെ അഞ്ചു മീറ്റെര്‍ അപ്പുറത്ത് ആണ് റോഡ്‌ ...ആശാന്‍ രാവിലെ ഒരു തോര്‍ത്തും ഉടുത്ത് എണ്ണയും തേച്ചു "ഇന്നെങ്കിലും കുളി നടത്തിക്കളയാം " എന്ന രീതിയില്‍ വരാന്തയില്‍ നില്‍ക്കുന്നു....സുന്ദരികളുടെ എണ്ണം എടുത്തു അങ്ങിനെ നില്‍ക്കുമ്പോള്‍ അതാ ഒരു പരിചയമില്ലാത്ത മുഖം...ആഹാ എന്നാല്‍"ആശാനെ ഒന്ന് കാണിച്ചേക്കാം" എന്ന് കരുതി ആശാനെ നോക്കി ആംഗ്യം കാണിച്ചുനോക്കി..പൊതുവേ മാന്യനായ ആശാന്‍ "യെവന്‍ എന്തരടെ ഈ കാണിക്കുന്നത്"എന്ന രീതിയില്‍ തിരിച്ചും ആംഗ്യം കാണിക്കാന്‍ തുടങ്ങി..ശ്ഹെടാ ...ഉറക്കെ പറഞ്ഞാല്‍ അവര് കേട്ടാലോ എന്ന് കരുതിയാണ് മൃദുലന്‍ ആംഗ്യം കാട്ടിയത് .പക്ഷെ ആശാന്‍ ഒരുമാതിരി പൊട്ടന്മാരോട് കാണിക്കും പോലെ തിരിച്ചും തകര്‍ത്തു ഓരോന്ന് കാട്ടുകയാണ്..എന്നാല്‍ ഇതെല്ലം വീക്ഷിച്ചു കൊണ്ട് വീടിന്റെ പുറത്തൊരു മൂലയില്‍ ഇരുന്നു പഠിക്കുകയായിരുന്നു നമ്മുടെ കൊള്ളി.അവന്‍ ഇരിക്കുന്നയിടത്ത് നിന്നും നോക്കിയാല്‍ ആശാനെയും മൃദുലനേം മാത്രമേ കാണാന്‍ പറ്റുള്ളൂ ,റോഡില്‍ കൂടി പോകുന്നവരെ കാണാന്‍ പറ്റില്ല..ഇവന്മാര്‍ എന്താണ് ഈ കാണിക്കുന്നത് എന്ന രീതിയില്‍ യെവന്‍ ഞങ്ങളെ വീക്ഷിക്കുന്നത് അപ്പോളാണ് ഞങ്ങള്‍ കണ്ടത്..അതോടുകൂടി പിന്നെ ആംഗ്യം കാട്ടല്‍ തകര്‍ത്തു ...കൊള്ളിക്കു വട്ടായി എന്ന് പ്രത്യേകം പറയേണ്ടല്ലോ...പൊതുവേ അല്പം സി .ഐ.ഡി വര്‍ക്ക് ഉള്ള കൊള്ളി ഇനി തങ്ങളെ ഫോളോ ചെയ്യുമെന്ന് ഞങ്ങള്‍ക്ക് ഉറപ്പായിരുന്നു..അതോടു കൂടി ഞങ്ങള്‍ അത്യാവശ്യം ചില നമ്പരുകളുമായി പുതിയ ആംഗ്യ ഭാഷക്ക് രൂപം നല്കി,ഗ്യാഗി എന്നൊരു നാമവും നല്‍കി ..കൊള്ളി വളരെ രഹസ്യമായി ഞങ്ങളെ ഫോളോ ചെയ്യല്‍ ആരംഭിച്ചു...പലപ്പോഴും ഞങ്ങള്‍ സംസാരിക്കുമ്പോള്‍ തികച്ചും അവിചാരിതം എന്നപോലെ കൊള്ളി അവിടെ പ്രത്യക്ഷപ്പെടും..അപ്പോള്‍ ഞങ്ങള്‍ ഉഷാറാകും ..ഗ്യാഗിയുടെ ആഴങ്ങളിലേക്ക് ഞങ്ങള്‍ ഊളിയിടും..കൊള്ളി ഇതൊന്നും മൈന്‍ഡ് ചെയ്യുന്നില്ല എന്ന രീതിയില്‍ ഞങ്ങളെ ചുറ്റിപ്പറ്റി നില്ക്കും..(ശരിക്കും ബോബനും മോളിയും കാര്‍ട്ടൂണിലെ നായക്കുട്ടിയേപ്പോലെ)..ഞങ്ങള്‍ കാട്ടുന്ന പലതും കൊള്ളി പിന്നീടു ഒറ്റയ്ക്ക് പ്രാക്ടീസ് ചെയ്യും...ഇത് ഏതാണ്ട് ഒരു മാസത്തോളം തുടര്‍ന്നു..

അപ്പപ്പോള്‍ തോന്നുന്നത് ഞങ്ങള്‍ കാട്ടുന്നതുകൊണ്ടാവം കൊള്ളിക്കു ഒടുക്കത്തെ കണ്‍ഫ്യൂഷന്‍ ....അങ്ങിനെ അവസാനം അവന്‍ ഞങ്ങളുടെ അടുത്തെത്തി.."ആശാനെ നിങ്ങളുടെ കോട് ഭാഷ കുറച്ചൊക്കെ ഞാന്‍ കണ്ടുപിടിച്ചു...പക്ഷെ പലതും അങ്ങോട്ട്‌ ക്ലിയര്‍ ആവുന്നില്ല.....എന്നെക്കൂടി നിങ്ങള്‍ ഇത് പഠിപ്പിക്കണം.." കൊള്ളി പറഞ്ഞു തീര്‍ന്നതും ആശാന്‍ പൊട്ടിച്ചിരിക്കാന്‍ തുടങ്ങി..കാര്യം മനസിലായില്ലെങ്കിലും മൃദുലനും അന്യായ ചിരി തുടങ്ങി...കൊള്ളി കൂടുതല്‍ വിനയാന്വിതനായി.."ഞാന്‍ ചെലവ് ചെയ്യാം".....ആശാന്‍ ചിരി നിര്‍ത്തി.."എടാ ഇത് ഞങ്ങള്‍ പോളിയില്‍ പഠിക്കുന്ന കാലം തൊട്ടു പഠിക്കുന്നതാ...ഇപ്പോഴും തീര്‍ന്നിട്ടില്ല...പിന്നെയാണ് നീ കുറച്ചുനാള് കൊണ്ട് പഠിക്കുന്നത്.."...അതോടെ .കൊള്ളി മൃദുലന് നേരെ തിരിഞ്ഞു..എടാ അളിയാ പ്ലീസ്..ഒന്നാലോചിച്ചിട്ട് .മൃദുലന്‍ ആശാന് നേരെ തിരിഞ്ഞു...."ആശാനെ നമുക്കിവന് അത്യാവശ്യം ചില നമ്പരുകള്‍ മാത്രം പറഞ്ഞു കൊടുക്കാം,അല്ലാതെ ബുക്ക് കൊടുത്താല്‍ ഇവന്‍ പഠിച്ചു തീര്‍ക്കില്ല ...എന്തു പറയുന്നു..".ആഹാ ഇതിനു ബുക്കുമുണ്ടോ?എന്നാല്‍ എനിക്ക് ബുക്ക് തന്നാലും മതി,ഞാന്‍ തന്നെ പഠിച്ചു കൊള്ളാം ..കൊള്ളി ആവേശത്താല്‍ പുളകിതനായി...പെട്ടെന്ന് ആശാന്‍ ഇടപെട്ടു ...അതിനു ബുക്ക് എവിടെ ?...ഞാനത് കൊല്ലം പബ്ലിക്‌ ലൈബ്രറിയില്‍ നിന്നും എടുത്തതല്ലേ ...അത് അവിടെയുണ്ടാവും. ...ആശാന്‍ ഒതെറിന്റെ പേരും പറഞ്ഞുകൊടുത്തു ...ഏതോ ഒരു "ജോണ്‍ ഹാഡ്‌ലി " (പഴയ ഏതോ ക്രിക്കെറ്റ് കളിക്കാരന്റെ പേരാണ്..)കൊള്ളി ഭയഭക്തി ബഹുമാനത്തോടെ ആ പേര് എഴുതി എടുത്തു....പേപ്പര്‍ എട്ടായിമടക്കി പോക്കെറ്റില്‍ ഇട്ടു..പിന്നെ ഞങ്ങള്‍ അത്യാവശ്യം ഒന്നുരണ്ടു നമ്പരുകളും കാണിച്ചുകൊടുത്തു...കൊള്ളി ധ്രിതംഗപുളകിതന്‍ ആയി ...ഞങ്ങളും .

പൊതുവേ വീട്ടില്‍ പോകാന്‍ താല്പര്യമില്ലാത്ത കൊള്ളി തൊട്ടടുത്ത ആഴ്ച വീട്ടില്‍ പോകാന്‍ തുടങ്ങി!!ഞങ്ങള്‍ക്ക് കാര്യം പിടികിട്ടി.കൊല്ലത്തുകാരനായ അവന്‍ പബ്ലിക്‌ ലൈബ്രറി തേടിയുള്ള യാത്രയാണ്‌*.വെള്ളിയാഴ്ച ഓതെറിന്റെ പേരു ഒന്നുകൂടി ചോദിച്ച് ഉറപ്പിച്ച ശേഷം അദ്ദേഹം സ്ഥലം കാലിയാക്കി.. യെവന്‍ പോയതോടുകൂടി ഞങ്ങള്‍ കാര്യങ്ങള്‍ കുറച്ചുകൂടി ഉഷാര്‍ ആക്കുവാന്‍ തീരുമാനിച്ചു..ഒരു ഏഴെട്ടു പേരോടു കാര്യങ്ങള്‍ വിശദീകരിച്ചു..എല്ലാവര്‍ക്കും "കളിക്കുടുക്ക" കിട്ടിയ പ്രതീതി!!കാര്യങ്ങള്‍ കോളജിലേക്കു വ്യാപിപ്പിക്കുവാന്‍ തീരുമാനമായി..കുറച്ചു ആംഗ്യ ഭാഷകള്‍ (കൊള്ളിക്കു അറിഞ്ഞുകൂടാത്തത്) എല്ലാവര്‍ക്കും കാണിച്ചു കൊടുത്തു ....ഒരുത്തന്റെ തോളില്‍ കയറുന്ന പരിപാടിയായതുകൊണ്ട് എല്ലാവരും അതു പെട്ടെന്ന് പഠിച്ചു..(വെറുതെ ബോറായി ഇരുന്നപ്പോളാണ് അടുത്ത വീട്ടിലെ അപ്പൂപ്പന്‍ വടിയായത്‌....പിന്നെ ആള്‍ക്കാരായി,പന്തലിടീല്‍ ആയി.,ബഹളമായി...ചുരുക്കത്തില്‍ അടിച്ചുപൊളിച്ചു എന്ന് പറഞ്ഞതുപോലെ ആയി പിന്നീടുള്ള കാര്യങ്ങള്‍..എല്ലാവര്‍ക്കും പെരുത്ത്‌ സന്തോഷം).
വെള്ളി ആഴ്ച പോയ കൊള്ളി പിന്നെ പൊങ്ങുന്നത് തിങ്കളാഴ്ച വയ്കിട്ടു ആണ്!!!അപ്പോളേക്കും ഞങ്ങള്‍ എല്ലാം റെഡി ആക്കിയിട്ടുണ്ടായിരുന്നു..

ഇനി കോളെജിലേക്ക്................. .ക്ലൈമാക്സ്‌ അടുത്തതില്‍